Түркістан қаласы облыс орталығы болғаннан соң, өсіп-өркендеп келеді. Барлық Қазақстандықтар бұл қаланы рухани шаһар ретінде біледі. Бүгінгі таңда осы өлекеге жылына милионнан астам турист табан тірейді. Қаланың дамуы- халық назарында. Дәл қазіргі уақытта құрылыс қарқыны күшейді. Аймақта салынып жатқан үйлердің құрылысына жергілікті кәсіпорындар шығаратын өнімдер қолданылуда.
Жалпы, осы пәтерлердің басым бөлігі мемлекеттік бағдарлама аясында бой көтерсе, бұған қоса жеке инвесторлардың есебінен салынып жатыр. Бұл үйлер Түркістан қаласындағы жаңадан құрылған «Отырар» мөлтекауданы мен «Түркістан — жаңа қала» тұрғын үй кешендерінің аумағында орналасқан. Облыс орталығының түлеуіне өз үлестерін қосып жатқан мекемелердің бірі – «Строй Сервис» компаниясы. Бүгінде 70-80 адамды толыққанды жұмыспен қамтып отыр.
«Строй Сервис» жауапкершілігі шектеулі серіктестігі өздеріне берілген тұрғын үйдің 70% толыққанды бітірген. Қазіргі таңда ішкі жұмыстарына кіріскен. Алдағы уақытта пайдалануға беріледі – дейді.
Қай қоғамды болмасын, оны дамытуда әрбір саланың қосар үлесі қомақты болатыны белгілі. Дегенмен де, елдің ел болып қалыптасуында құрылыс саласының алар орны ерекше. Осы маңда жұмыс істеп, екі қолға бір күрек тапқан қарапайым еңбек адамдарының жұмысы қиының – қиыны. Бірақта ынта жігерімен жұмыс істеп, нәпақасын адалынан табуда.
Қазір біздің облыста ауа райы қолайлы. Күн жылы. Нағыз жұмыс істейтін кез. Құрлыс саласы қарқыны екі есе артуда. Әсем ғимараттар Түркістанның сәніне сән қосатын, заман талабына сай, көрікті әрі сапалы болу қажет. Қарапайым жұмысшылар күн-түн демей аянбай еңбек етуде. Соның бірі Шұғыла 2002 ЖШС. Бұл мекеме қазір үш үй салуда. Техникалық құрал жабдықтары жетерлік.
Темірхан Өсербаев – «Шұғыла 2002» компаниясында электрик болып жұмыс істейді. Салынып үйлерге жарық жүргізеді. Жауапкершілікті арқалаған азамат тірлігне тиянақты. Өзінің жұмысын жақсы көреді. Екі жылдан астам уақыт бойы осы іспен айналысуда.
Бүгінгі күні шаҺарда бірнеше көпқабатты үйдің құрылыс жұмыстары жүргізілуде. Оның ішінде бірнеше үй республикалық бюджет есебінен салынуда. Салынып жатқан баспаналар бірінші кезекте әлеуметтік жағынан аз қамтылған отбасылар мен ата-ана қамқорлығынсыз қалған жетім балаларға, Сондай-ақ жылдар бойы тұрғын үй кезегінде тұрған азаматтар қол жеткізеді.
Ержан Әбілмажар – Сарыағаш ауданының тумасы. Қазір облыс орталығында жұмыс істеуде. Құрлыс саласында жүргеніне 2 жылдың жүзі болған екен. Оқыған мамандығы басқа, бірақ құрлыс саласын таңдағанына өкінбейді. Ең бастысы жұмысы бар, еңбек ақысын уақытында алып, отбасына қолғабыс жасауда.
Ержан Әбілмажар — Түркістан қаласының ажарлы келбетін өрнектеп, облыс орталығының өзіне тән сәнінің айшықталуына мол үлес қосуда. Қызығынан көрі қиындығы басым мамандықтың қыр-сырын меңгерген Ержанның арманы, көптеген құрлыстардың бой көтеруіне үлес қосып, өзінің қолтаңбасын қалдырсам — дейді.
Ержанның қолынан келмейтін ісі жоқ. Жұмыстан қашпайды. Еңбекке еті үйрегендігі көрініп тұр. Шаршау деген ой жоқ. Әрбір азаматтың еңбекқорлық қасиеті кейінгі жастарға өнеге.
