Бүгін Шымкент қаласында республикалық референдум өтуде. Маңызды саяси науқан аясында Қазақстанның Халық әртісі Майра Мұхамедқызы №11 сайлау учаскесінде дауыс беріп, өз таңдауын жасады.
Белгілі опера әншісі референдумға қатысу әрбір азаматтың ел болашағына деген жауапкершілігін көрсететінін атап өтті. Оның айтуынша, мұндай маңызды сәттерде халықтың бірлігі мен белсенділігі ерекше маңызға ие.
Өнер иесі дауыс беру учаскесіне келіп, барша қазақстандықтарды елдің дамуы мен келешегі үшін бейжай қалмай, азаматтық ұстанымдарын білдіруге шақырды.
Айта кетейік, бүгін Шымкент қаласында дауыс беру учаскелері таңғы уақыттан бастап жұмыс істеп, қала тұрғындары мен қонақтары кешке дейін өз таңдауларын жасауға мүмкіндік алады.
