Құрметті балалар!
Өскелең ұрпақ!
Сіздерді төл мерекелеріңізбен шын жүректен құттықтаймын! Сіздер – біздің байлығымызсыздар. Елдің үміт артар болашағысыздар.
Қазақстан Президенті Қасым-Жомарт Тоқаев Жолдауларында балаларға жағдай жасау, олардың сапалы білім алуына қолдау көрсету туралы үнемі айтып келеді. Облыста балаларды қорғау үшін денсаулық сақтау, білім беру, әлеуметтік қолдау бағытында нақты шаралар қолға алынып, жүйелі жұмыстар атқарылып жатыр.
Өңірімізде балалардың жан-жақты дамуына жағдай жасалуда. «Оқушылар сарайы», түрлі өнер және спорт үйірмелері жұмыс істеп тұр. Еліміз бойынша жаңа мектептер ашу жөнінен де өңіріміз алдыңғы қатарда. Осы жұмыстар нәтижесінде биылғы оқу жылын облыс шәкірттері үлкен жетістіктермен аяқтады. Халықаралық, республикалық ғылыми жоба байқаулары мен пән олимпиадаларында оқушыларымыз 9 алтын, 17 күміс, 20 қола медальға қол жеткізді. Республикалық «Ұлттық мектеп лигасы» жарысында жалпыкомандалық есепте үш жыл қатарынан I орынға ие болды. Бұл – біздің өңірде талантты, білімді, жігерлі балалар өсіп келе жатқанының белгісі.
Құрметті балалар!
Біз сіздердің уайымсыз, бақытты өмір сүрулеріңіз үшін еңбек етеміз. Сіздерді әрқашан қорғауға, қолдауға дайынбыз. Рухани бай, білімді, ел үшін еңбек ететін азамат болып өсіңіздер. Кітапқа, білімге, өнерге құштар болыңыздар. Ата-аналарыңызды қуантып, биік шыңдарды бағындыра беріңіздер. Үмітімізді ақтап, үлкен жетістіктерге жетеді деп сенеміз.
Баршаңызға зор денсаулық, бақытты балалық шақ, жарқын болашақ тілеймін!
Құрметпен, Түркістан облысының әкімі Дархан Сатыбалды
