Кез келген елдің демографиялық жағдайы ішкі саясаты мен оның экономикасына тікелей әсер етеді. Демографиясы мықты елдер экономикалық, қорғаныс жағынан қуатты келеді. Сондықтан біздің елімізде ана мен бала құқығын қорғау бағытында бірқатар заңдар қабылданған, олардың жан-жақты дамуына түрлі жағдайлар жасалған.
Қазақстан өзінің территориясын сақтап, қауіпсіздікті қамтамасыз етіп демографиялық ахуалды жақсарту үшін бала туу көрсеткішін арттырып, өлім деңгейін төмендету қажет. Қазіргі кезде еліміздегі адам саны 19 миллионан асты, жақын жылдары Қазақстандағы халық санын жиырма миллионға жеткізу мақсаты тұр. Бұл мақсатқа жету жолында көптен жұмыстар атқарылып жатыр. Қазақстанда туу көрсеткіші өсіп, көп балалы отбасыларға берілетін жөргекпұл және өзге де әлеуметтік, медициналық көмектер қарастырылған. Ана мен баланың әлеуметтік-тұрмыстық жағдайын жақсарту сәйкесінше өлім көрсеткішін төмендетті. Осының барлығы Қазақстандағы демографиялық ахуалға оң әсер етеді. Бұл көрсеткіштер бойынша халқы тығыз орналасқан Түркістан облысы алда тұр. Мысалы, Түркістан қаласында бала туу көрсеткіші жыл сайын өсуде. Кейбір деректер бойынша бес жылда қалада 39686 бала дүниеге келген. Ал қала күн санап өсіп келе жатқанын ескерсек бұл көрсеткіш арта түспекші. Бұл әрине қуанарлық жағдай.
Дүние есігін ашқан нәрестелердің денсаулығын сақтау үшін жүздеген ақ халатты абзал жандар қызмет етеді.⠀Қаладағы перинаталдық орталық қазірдің өзінде 225 төсек-орынға шақталған, келешекте оның саны арта түсуі мүмкін. Перинаталдық орталықта қызмет көрсету сапасын жақсарту мақсатында жаңа заманауи аппаратуралар іске қосылған. Сондай-ақ акушер-гинеколог, реаниматологтар, Кореяда, Литвада, Мәскеуде және Санкт-Петербургте білімін жетілдіріп келген мамандар. Түркістаннан өзге Кентау қаласы, Созақ және Отырар сияқты өзге аудандарында 450 мың тұрғынға қызмет етеді.
Баланың дүниеге келуі мен оған тәрбие беру ата-аналарынан үлкен жауапкершілікті талап ететіні белгілі. Ол отбасындағы тіршілікке байланысты. Отбасында тұрмыстық зорлық-зомбылық орын алған жағдайда ана мен баланы қорғау аса маңызды. Бұл бағытта мемлекеттік бағдарламалар қарастырылған, бұл бағытта жаңа қатаң ережелер қабылданды. Оған қоса облыс көлемінде көптеген қоғамдық ұйыдар жұмыс істейді. Енді ана мен бала зорлық-зомбылық көрсе осы қоғамдық ұйымдардың көмегіне кез келген уақытта жүгіне алады. Онда заңгер, дәрігер, психолг сияқты білікті мамандар жұмыс істейді.
