Тәуелсіздіктің Түркістандағы тұңғыш тұғыры — Қ.А.Ясауи атындағы халықаралық қазақ түрік университеті деп нақты айта аламыз. Биыл осы халықаралық университеттің құрылғанына -30 жыл болды. Мерейлі мерекені атап өту үшін осы жоғарғы оқу орынын басқарған, алғашқы ашылғанда еңбек сіңірген азаматтар арнайы келді. Түлектер форумында университет түлектері өздерінің естеліктерімен бөлісті.
Бұл университетің іргесі Кеңес Одағы ыдырамай тұрып қаланған. Ол кезде аудан тұрмақ облыста университет ашу оңай болмаған. Тіпті Қазақстанда бар болғаны екі университе т болған. Дегенмен сол кезде ел басқарған азаматтар тәуекелге барып жоғарғы оқу орынын ашты.
Қазақстан тәуелсіздік алған сәттен бастап Түркия бауырмалдық танытып келеді. Оны сөзбен емес іспен дәлелдеп жүр. Сондай амалдардың алғашқысы осы университет болды. Мұны Түрік ағайындар мақтанышпен еске алады.
Бұл универсиет ашылған алғашқы жылы 11 мамандыққа 300 студент қабылданған. Оның бәрі де мектепті алтын медальмен аяқтаған түлектер болатын. Сол кездегі әр облысқа 5 адамнан квота бөлінген. Ал, университеттің аудан орталығында ашылғанына қарамастан талапкерлер саны өте көп болған. Бір орынға 3 адамнан үміткер болыпты.Соның бірі Бағдәулет Бегалиев еді. Ол бүгінде Білім , ғылым және мәдениетті жетілдіру халықаралық қауымдастығының төрағасы
30 жылдық тарихы ішінде бұл университеттен 90 мың түлек ұшып шықты. Олардың көпшілігі Қазақстан, Түркия ,Ресей , Қырғызстан, Өзбекстан, Әзірбайжан Түркіменстан елдерінің дамуына өздерінің үлестерін қосып жүр.
Түлектер форумына келген азаматтар университет ауласына ағаш екті. Бұл дамудың ,өсудің символы. Ал, салтанатты жиында универсиетет бағындырған белестер мен бүгінгі жағдай жөнінде әңгіме өрбіді. Мұнан соң әр сала бойынша конференция өтті.
