Түркістан қаласының әкімі Нұрбол Тұрашбеков қала
тұрғындарына есеп беру бойынша кезекті кездесуін Яссы секторында
өткізді. Мұнда азаматтар өздерін толғандырған әлеуметтік мәселелерін
әкімге айтты. Қала басшысы мен түрлі салаға жауапты мамандар
көтерілген түйткілдерді тезірек тарқатуға күш салатынын жеткізді.
Түркістан қаласында 875 көше бар. Бұл көшелердің ұзындығы 845
шақырым. Бүгінгі таңда осының 38 пайызы ғана асфальттанған. Қалғандары
тас және топырақ жолдар. Қала әкімі алдағы уақытта жол жөндеуге ден
қоятындығын айтты. Түркістан қаласының әкімі Нұрбол Тұрашбеков алдағы уақытта осы ішкі көшелерді қанағатты жағдайға жеткізу үшін жұмыс жүргіземіз. Жалпы 270 ақырым біздің топырақ жолдарымыз болатын болса, жылдың басынан бері қарай атқарған жұмыстарымыздың нәтижесінде 30 шақырым ғана топырақ жолымыз қалды. Қалғанының барлығына тас төселді. Ендігі кезде орташа жөндеу есебінен қанағатты жағдайға жеткіземіз деген жоспарымыз бар, деді өз сөзінде. Түркістандағы тағы бір маңызды мәселе ол қоғамдық көліктер. Қазір қаладағы автобустардың 65 пайыздайы есікірген. Былтыр және алдыңғы жылы қалаға 78 жаңа автобус әкелінген. Алайда әлі де автобус паркін жаңарту жайы күн тәртібінде өзекті. Түркістан қаласының әкімі Нұрбол Тұрашбеков — біздің қалада жолаушыларға қызмет атқаратын 2 мекемеміз бар, 21 бағыттан тұратын біздің 220 қоғамдық көліктеріміз бар. Бүгінгі таңда біздің 78 көлігіміз жаңартылды, келесі жылы біз сол нәтижесін 85-90 пайызға жеткізу жоспарлануда. Әрине маршруттарымыздың арасының ұзақ болуы мерзімінде жүрмеуі болмаса қосымша бағыттағы маршруттардың қажет екендігі ол сіздердің көкейіңіздегі сұрақ. Бұл мәселені біз келер жылы біршама жұмыстар атқарып нәтижес көрсетеміз деген жоспарымыз бар. Түркістан бүгінгі таңда газбен қамтамасыз етілген. Тек көшеге тартылған құбырдан үйге кіргізіп алу тұрғындардың өз есебінен жүргізілуі тиіс. Жиында қала әкімі бұл жағдайды да тұрғындарға түсіндіріп берді. Жиын барысында тұрғындар қоқыс тазалау, көшені жарықтандыру секілді мәселелер бойынша сұрақтарын қойды. Қала басшысы тиісті сала мамандарына тұрғындардың талап-арызы бойынша жұмыс істеп , көтерілген мәселелерді тездетіп шешуге тапсырма берді.
