Түркістан қаласында «Бояулар құпиясы» жас суретшілердің республикалық байқауының облыстық кезеңі өтті.
Байқаудың мақсаты – білім алушылардың көркемдік, шығармашылық қабілеттерін дамыту, олардың кәсіби бағдарлануын ынталандыру. Жас суретшілердің эстетикалық, гуманистік және патриоттық сезімдерін ояту. Сурет салуға үйрету, балалар көркемсурет мектептерінің рөлін арттыру.
Байқауға аудандық, қалалық іріктеу кезеңдерінің жеңімпаз атанған жалпы орта және қосымша білім беру ұйымдарының 10-17 жастағы 136 білім алушы өрені бақ сынасты.Соның ішінде Түлкібас ауданының адами әлеуетті дамыту бөліміне қарасты А.Асқаров атындағы жалпы орта мектебінен 2, Дауан жалпы орта мектебінен 1талантты оқушыларымыз қатысты.
Жас қылқалам шеберлері алдымен аудан және қалалық іріктеу кезеңінен өтті. Үздік деп танылғандар облыстық кезеңге жолдама алды.
Байқау номинацияларындағы жұмыстар кез-келген техникада (акварель, май, пастель, қарындаш, гелий қаламы, түрлі-түсті қарындаштар, аралас техника) кез келген материалда (картон, қағаз, кенеп, т.б.) орындалды. Жеке жұмыстары қабылданды (әр номинация бойынша – 1 жұмыс). Бір қатысушы бір номинацияға қатысты.
45 минут ішінде «Менің елім – менің жерім» тақырыбында классикалық кескіндеме (портрет, пейзаж) салды. Тақырыптық натюрмортта халық тұрмысы заттарының немесе халық қолөнері мен қолөнер бұйымдарының бейнесін кескіндеді. «Таланттар палитрасы» арқылы авангард және эксперименттік кескіндемелер мен композициялық туындысын көрсетті. Сондай-ақ сюжеттік композиция ретінде «Жер бетіндегі үздік демалыс», «Менің әуестігім», «Мен және менің отбасым» тақырыбына сәйкес ойларын сурет арқылы жеткізді.
Бояулар құпиясы жас суретшілердің республикалық байқауының облыстық кезеңі Түркістан қаласы «Оқушылар сарайы» ғимаратында өткізілді. Аудандық, қалалық кезеңнен іріктеліп келген оқушылар өздерінің өнерлерін жоғары деңгейде көрсете білді. Қазылар алқасы шешімі негізінде жүлделі орындар анықталды. Ауданымыздан қатысқан 3 оқушымыздың ішінен А.Асқаров атындағы жалпы орта мектебінің 6-сынып оқушысы Шанай Бағжан жүлделі II орынды, А.Асқаров атындағы жалпы орта мектебінің 9-сынып оқушысы Бағлан Жұлдыз жүлделі II орынды иеленіп, 20000 теңге қаржылай сыйақы алды. Жетекшісі: Ақпаева Мадина.
Талантты оқушыларымыз бен жетекшісін марапаттарымен құттықтаймыз!
