1 маусым – Балаларды қорғау күніне орай «Раян» оңалту орталығының ұйымдастыруымен ауданымыздағы мүмкіндігі шектеулі балаларға арналған «Мен бақытты баламын» атты мерекелік іс-шара болып өтті. Атаулы жиынға аудан әкімі Азизхан Исмаилов, Түркістан облыстық мәслихатының депутаты Гулшат Маликова, аудандық мәслихаттың төрағасы Тайбек Қалымбетов, жеке кәсіпкер Салтанат Стыбаевалар қатысты. Іс-шара барысында аудан әкімі барша балаларға жылы лебіздерін білдіріп, құттықтау сөз сөйледі. Сонымен қатар, ерекше балаларға арналған мерекелік концерттік бағдарламалар қойылды. Балалар өз өнерлерін көрсетіп, көңілді ән айтып, би биледі.
«Раян» оңалту орталығының директоры Гаухар Рахматуллақызы, келген қонақтарға алғысын білдіре отырып, орталық жұмысымен қысқаша таныстырып өтті.
Қазығұрт ауданы әкімінің баспасөз қызметі
