Құрметті бүлдіршіндер, ата-аналар!
Сіздерді, Халықаралық балаларды қорғау күні мерекесімен шын жүректен құттықтаймын!
Бүлдіршіндеріміз асыға күтетін бұл күнді атап өту дәстүрі 1949 жылдың қараша айында Халықаралық демократиялық әйелдер федерациясының арнайы сессиясында қабылданды. Алғаш рет 1950 жылы мерекеленді. Жетпіс жылдан астам уақыт бойы 1 маусым күні — балаларға қуаныш сыйлап келеді.
Балаларды қорғау дегеніміз — әрбір сәбидің тыныштығын қорғау, тәтті ұйқысын бұзбау, алаңсыз күлкісін тоқтатпау деген сөз. Баланың болашағына балта шаппау, оларды дені сау етіп өсіру, тәрбие беру — мемлекеттің ерекше мақсаттарының бірі.
Сөзіміздің дәлелі, Мемлекет басшысы, Қасым-Жомарт Кемелұлының тапсырмасына сәйкес, «Ұлттық қор – балаларға» бағдарламасы аясында 2024 жылдың 1 қаңтарынан әр балаға мерзімінен бұрын алу құқығынсыз, кейін оларды тұрғын үй сатып алуға және білім алуға пайдалану мүмкіндігімен 18 жасқа толғанға дейін арнайы жинақтаушы шоттарына Ұлттық қордың жыл сайынғы инвестициялық кірісінің 50 пайызын аударуды бастайды.
Құрметті балғындар!
Барлықтарыңызды бүгінгі жарқын күнмен шын жүректен тағы да құттықтаймын. Дендеріңізге саулық, балалық балғын шақтарыңыздың қызықты болуын тілеймін. Аспандарыңыз ашық, өмірлеріңіз мәнді де сәнді болсын.
«Озар елдің арманы бітпес» — деп, Төле баба айтқандай, үздіксіз білімдеріңді шыңдаңдар, шынығыңдар, қиялдарыңды ұштап, армандарыңды жүзеге асырыңдар. Мереке құтты болсын, балалар!
