Қайырымдылық – адам баласының бойынан табылуы тиіс асыл қасиеттердің тек біреуі ғана. Жүрегі мейірімге толы жан жеңілі мен ауыры қатар жүретін қатігез өмірдің басты тірегі. Мейірімге толы қайырымды жүрек мұқтаж жандарға демеу болумен оларға өмір сүруге жаңа күш пен талпыныс сыйлай алады. Көмекке зәру жандарға қиналған шағында қол ұшын созу — әрбір адамның парызы. Қамқорлықты қажет ететін жандарға қол ұшын беру арқылы адам баласы жақсылыққа қадам басады. Қайырымдылық жасауды қаржылай көмек көрсету ғана деп ұқпау керек. Сөзбен де, іспен де, басқа жолдармен де қайырымдылық жасау – борышымыз. Жақсылық жасау қолыңнан келіп тұрса, қуаныш сыйлауға мүмкіндігің жетіп тұрса неге қол ұшын созбасқа?! Осыған орай, «Шебер қолөнершілер» клубының ұйымдастыруымен дәстүрге айналған «Жақсылық жасау – ортақ іс» атты қайырымдылық жәрмеңкесі өткізілді. Жәрмеңкеде қолдан тоқылған киімдер, моншақтан жасалған бұйымдар, әшекейлер, ағаштан жасалған заттар, суреттер сатылды. Бұл жәрмеңкеден аз қамтылған және толық емес отбасынан шыққан студенттерге материалдық көмек ретінде берілетін болады. Осындай қайырымды іс-шаралар алдағы уақытта да жалғасын табады. Міне осылай, Қазақстан халққы барлық формадағы қайырымдылықтарын жасап жатыр. «Кең болсаң кем болмайсың» дегендей, бұл қадамдар еліміздің әлемдік қоғамдастықтағы беделінің артуына әрі шет мемлекеттермен ынтымақтастықтың жан-жақты дамуына үлкен ықпалын тигізуде. Ал осының барлығы, өз кезегінде мемлекетіміздің сауда-экономикалық, мәдени байланыстарының қарқын алуына, осылайша орнықты дамуына, әлеуметтің әлеуеті арта беруіне негіз болары анық.
