Түркістан облысында 1 маусым – Халықаралық балаларды қорғау күні түрлі деңгейде аталып өтіп жатыр.
Мереке күні мәслихат депутаттарының демеушілігімен түркістандық 100 бала қуанышқа бөленді. Түркістан облыстық мәслихат депутаты Хандиллаев Еркебұлан бастаған Түркістан қалалық депутаттары Ғалымжан Худияров пен Ардақ Мансуров көпбалалы отбасылардан шыққан балаларды және мектепте үздік оқыған оқушыларды мерекемен құттықтап, мерекелік көңіл күйді сезінуіне себепші болды.
«Отырар» және «Яссы» тұрғындар алабының бүлдіршіндері қалалық «Жібек жолы» саябағына серуендеп, аттракционда ойнап, балмұздақ пен тәтті сусыннан дәм татты.
Өз арман-мақсаттарымен бөліскен балалар уақытты көңілді өткізгендеріне ризашылықтарын білдірді.
Түркістан облысының Өңірлік коммуникациялар қызметі
