Мемлекет басшысының тапсырмасын орындау мақсатында биыл барлық білім беру ұйымдарында оқушыларды ыстық тамақпен қамтамасыз ету шаралары ұйымдастырылды. Сол қатарда Келес ауданының аумағындағы білім ошақтарында қыркүйектің 1-нен бастап 1-4 сыныпта оқитын 12 853 бала, әлеуметтік жағдайына қарай 724 бала, жалпы 13 577 бала бір реттік ыстық тамақпен қамтамасыз етілуде. Мектеп асханалары қажетті ыдыс-аяқпен жабдықталған.
-2023-2024 оқу жылында ауданда жалпы барлық мекемелерде мектеп асхананың кезекшілік кестесі құрылып, белгіленген уақыт бойынша білім алушылар уақытында тамақтанады. Мектеп оқушыларымен тамақтану мәдениетін қалыптастыру және салауатты өмір салтын насихаттау мақсатында ақпараттық және тәрбие жұмыстары, яғни сынып сағаттары, сыныптан тыс іс-шаралары өткізілуде. Алдағы уақытта бала саны артуына байланысты ауылдық жерлердегі мектеп асханаларын жаңарту мақсатында модульді асханалар құру жоспарлануда, -дейді аудандық білім бөлімінің басшысы Бақтияр Абдиев.
Айта кетейік, биыл аудан бойынша 3200-ден аса бала мектепке тасымалданады. «Балалар жылы» аясында 12 заманауи автобус Келес ауданына берілді. Олар ағымдағы жылдың 1 қазанынан бастап өз жұмыстарын бастамақ.
Келес ауданы әкімдігінің баспасөз қызметі
