Түлкібас аудандық орталық ауруханасында 1 маусым — Халықаралық балаларды қорғау күніне арналған іс-шаралар аталып өтті. Осы мерекеге орай, балалар бөлімінде медициналық қызметкерлердің ұйымдастыруымен концерттік бағдарлама дайындап, балаларды шын жүректерімен, шынайы тілектерімен құттықтады. Балаларға арналған суреттер сайысы өтіп, сыйлықтар таратылды.
Одан әрі орталық емханада Халықаралық балаларды қорғау күніне орай жалғасқан жас пациенттер үшін «Ашық есік күні» болды.
Мақсаты — халықтың назарын балалардың денсаулығын сақтау және салауатты өмір салтын насихаттау.
Бұл күні емханадағы барлық бала педиатр, невропатолог, ЛОР дәрігері, психолог, хирург және басқа да көптеген білікті мамандардан кеңес алды.
Осыдан кейін ата-аналар баланың денсаулығы туралы қорытынды және қажетті ұсыныстар алды.
Балалар невропатологтарының, балалар ультрадыбыстық диагностикасы дәрігерінің консультациялары жүргізілді.
Сонымен қатар, жоғарыда аталған ұйымда қаралуға келген балалар көңілдерін көтеріп, аниматорлардың қатысуымен бірге тақпақтар айтып, би билеп, сыйлықтар алып, көтеріңкі көңіл күймен үйлеріне тарқасты.
Болашағымыз — балаларымыз аман болып, он екі мүшесі сау болсын!
Аудандық аурухананың баспасөз қызметі
