Бүгін ауданымызға қарасты барлық білім ордаларында «1-маусым балаларды қорғау күніне» және оқу жылының аяқталуына орайластырылған соңғы қоңырау шарасы жоғарғы деңгейде аталып өтілуде.
Дәстүрге сай аудан әкімі Нұржан Ізтілеуов Дауан ауылында орналасқан Дауан атындағы мектепке ат басын бұрып, барша ұстаздар мен оқушыларды және олардың ата-аналарын биылғы оқу жылының аяқталуымен және «1 маусым-Халықаралық балаларды қорғау күнімен» құттықтады.
Елімізде білім саласына ерекше көңіл бөлініп, оқушыларымыздың сапалы білім алуына барлық жағдай жасалып келеді. Егемендік алғалы соңғы 32 жылда ауданымызда 30-дан астам мектеп, 34-тен астам балабақшалар салынып ел игілігіне берілді.
Ал, бітіруші түлектерге мектепте алған жақсы білімнің арқасында өздерінің қалаған жоғары оқу орнына түсіп, елімізге қажетті маман иесі болып, мемлекеттіміздің әлеуметтік – экономикалық дамуына үлес қосатын, дархан жазиралы Ұлы Дала елінің мерейін асыратын азаматтар болуларын тіледі.
Ағымдағы жылы ауданымызда 1354 оқушы мектеп бітіріп отыр. Оның 1179 алдағы өтетін Ұлттық бірыңғай тестілеуге қатысуға өтініш беруде. Бұл жалпы мектеп бітірушілердің 92 пайызын құрады. Мектеп бітірушілердің 58 оқушысы «Алтын белгі» белгісіне үміткерлер.
Түлкібас ауданы әкімдігінің баспасөз қызметі
