«Түркі әлемінің орталығы» ғимараты салынады. Түркістанда «Түркі әлемінің орталығы» нысанының сәулеттік-көркемдік келбетін әзірлеу үшін республикалық ашық байқау ұйымдастырылды. Оған еліміздің түкпір-түкпірінен сәулетшілер қатысып, 17 жоба ұсынылды. Облыс әкімі Дархан Сатыбалды аталған арнайы көрмеге қойылған жобалармен танысып, сәулетшілер мен мүсіншілермен кездесті. Бәсі басым байқауды облыстық сәулет және қала құрылысы басқармасы ұйымдастырды. Екінші кезеңге іріктеуден өткен үздік жобалар жіберілетін болды. Былтыр «Түркістан – түркі әлемінің рухани астанасы» тақырыбында түркітілдес мемлекеттердің ынтымақтастық кеңесінің бейресми саммиті өткен болатын. Онда ел түркі халықтарына ортақ сәулет нысанын салуды тапсырды.
Байқауға қатысушыларға Түркістанның тарихи келбетін сақтай отырып, жаңа нысанның тұжырымдамасын әзірлеу талабы қойылған. Өйткені, Түркі әлемінің орталығы ғимараты түркі тілдес елдердің бірлігі мен ынтымағын білдіретін рухани орталыққа айналуы тиіс.
