Шардара ауданындағы балалар саз мектебінің ұйымдастыруымен «Балалардың игілігі үшін» атты концерттік шара өткізілді. Балалардың жазғы демалысын тиімді өткізу үшін ауданда спорттық мәдени шаралар жиі ұйымдастырылуда. Соның бірі саз мектебіндегі үйірмелерде оқитын балалар концерт берді. Концерттік шараға дәстүрлі ән,күй және түрлі аспаптарда ойнайтын шәкірттерін, мың бұралған бишілерін әкелген мұғалімдердің қарасы көп болды.
Олар ұлттық ән-күйден бөлек әлемдік классикаға айналған Бэтховен сынды тұлғалардың шығармашылығын күйсандықта жоғары деңгейде орындап шықты. Әсіресе Шардара балалар саз мектебінің шәкірттері нөмірлерін жоғары деңгейде көрсетіп, көрермендерге ерекше көңіл-күй сыйлады
Айта кетсек, Шардара балалар саз мектебінде 740 бала 11 бағыт және 42 сынып бойынша оқиды.
