Халықаралық балаларды қорғау күніне орай, аудан орталығындағы Қ.Жандарбеков атындағы аудандық мәдениет үйінде «Бақытты балалар – бейбіт елдің тірегі» атты мерекелік іс-шара өтті.
Шараға аудан әкімінің міндетін уақытша атқарушы Б.Хасанов, аудан әкімінің орынбасары М.Оразалиев, «AMANAT» партиясы Сайрам аудандық филиалының төрағасы А.Әбдіқадыров, аудан прокуроры Д.Тлемисов, аудандық соттың төрағасы Қ.Дүйсебеков, мекеме-ұйым басшылары, халық қалаулылары және аудан тұрғындары қатысты.
Алдымен баланың тәрбиесіне арналған бейнефильм көпшіліктің назарына ұсынылды.
Мұнан кейін концерттік бағдарламамен басталды.
Сөз кезегіне шыққан Бахытбек Сембекұлы:
— Жаздың алғашқы күнімен қатар келетін мереке балғын бүлдіршіндеріміз үшін ең қуанышты жəне жыл сайын асыға күтетін басты мереке.
Кез-келген ата-ананың үлкен арманы – баласының жақсы азамат болып өсуі секілді, мемлекет пен қоғамның да басты мақсаты – білімді де Отаншыл ұрпақ тәрбиелеу. Себебі, осы бүлдіршіндеріміз – біздің ертеңіміз, үмітіміз, жарқын болашағымыздың кепілі.
Сондықтан, бала қуанышын бағына балаған ата-ана үшін де, бар тілегі мен елдік мұратын балалармен байланыстырған қоғам үшін де осы мерекенің маңызы зор.
Қадірлі біздің жас қырандар, осы елдің болашағы – сендерсіңдер! Сендердің оқуда озат болуларыңа, жарқын болашаққа нық қадам басып, еңсесі биік ел азаматтары атануларыңа тілектеспін! Отбасынан басталған бақытты балалық шақтарың Отанымыздың адал азаматы болуға жетелесін.
Балғын балаларымыздың ең бастысы дені сау, болашақтарың жарқын, аспандарың ашық болсын! Елімізді өркендетер келешектің кемеңгері болыңдар!, — деді. Сонымен қатар, өзге де басшылар балаларға ізгі тілектерін жолдады.
Іс-шарада оқу жылында пәндік, спорттық, өнер жарыстарынан үздік нәтиже көрсеткен мектеп оқушылары марапатталды.
Бар мейірім балаларға демекші, аудан әкімінің орынбасары Мадияр Мұхтарұлы және «AMANAT» партиясы қоғамдық бақылау комиссиясының төрағасы, жеке кәсіпкер А.Исаков тарапынан жылы лебіздер айтылып, бірқатар балаларға жазғы сауықтыру орындарына жолдамалар мен сыйлықтар тапсырылды.
Балалар мен аудандық мәдениет үйінің өнерпаздары әсем әуен мен ұлттық би орындап, көрермен қауымға көтеріңкі көңіл-күй сыйлады. Әжелер тобы бүлдіршінмен бірге ән салып, тәттілерден шашу шашты.
Сайрам ауданы әкімінің баспасөз қызметі
