«Kazakh Tourism» ҰҚ» АҚ ұйымдастыруымен Turkistan Travel Fest фестивалінің аясында Кентау трансформатор зауытына кәсіптік бағдар беру бойынша тур өткізілді.
Жоба аясында Түркістан облысы білім басқармасы «Облыстық жас туристер станциясы» КММ-нен жалпы саны 150 оқушы қатысты.
Кәсіптік бағдарлау турларының мақсаты – оқушыларға өнеркәсіптік кәсіпорындар қызметі туралы ақпарат беру, болашақ мамандықтарын саналы таңдауға көмектесу, техникалық мамандықтарға басымдық беру, өнеркәсіптік кәсіпорындармен таныстыру.
Өнеркәсіптік нысандармен қоса тур бағдарламасы бойынша оқушыларға Ұлы Дала елі музейіне, заманауи «Farab» кітапханасына экскурсия ұйымдастырылды.
Сонымен қатар, оқушыларға кәсіби бағдар берушінің қатысуымен тренинг өткізілді.
