2023 жылдың 18 мамыр күні Кәмелетке толмағандардың қатысуымен жасалатын қылмыс пен құқықбұзушылықты және оқыс оқиғаларды алдын алу бойынша кездесулер Шарбұлақ және С.Рақымов ауыл округтеріндегі ата-аналарымен өткізілді.
Кездесу мақсаты — кәмелетке толмаған жасөспірімдер арасындағы құқықбұзушылық пен қылмысты алдын алу, оның ішінде мектеп оқушыларының қатысуымен орын алатын бұзақылық, топтасып төбелесу, заңсыз қаржы жинау, түнгі уақытта ата-ана қадағалауынсыз қоғамдық жерлерде жүру фактілері мен олардың діни жат ағымдарға енулерінің алдын алу бағытында құзырлы органдармен бірлесіп тиісті шаралар қабылданып, орындау.
Аталған іс-шараға Қазығұрт аудандық білім бөлімі басшысының міндетін атқарушы Егізекова Алия қатысып, баяндама жасады.
Сонымен қатар, аудандық «Әкелер мектебі» қоғамдық ұйымының төрағасы Құрбанов Жүсіпбек, Түркістан облысының білім саласының ардагері — Байғұтов Нышан, Түркістан облысы дін істері басқармасының «Дін мәселелерін зерттеу орталығы» КММ-нің бөлім басшысы Тағай Айбек арнайы келіп, күн тәртібіндегі мәселелер бойынша өз баяндамаларын, өмір шындығымен мысалдар келтіре отырып, жеткізді.
Сондай-ақ Қазығұрт аудандық прокуратурасының прокуроры Юсупов Закир, Қазығұрт ауданнының төтенше жағдайлар бөлімінің аға инженері азаматтық қорғау капитаны Салыбаев Мейіржан баяндамалар оқып, ата-анаға және жасөспірімдерге қатысты ҚР заңдылықтарын жан-жақты түсіндіріп өтті.
Жиын соңында аудан әкімінің орынбасары Тұрсынқұлов Серік қатысушыларды сақтық және профилактикалық шараларды бірлесе күшейтуге шақырды. Кездесу барысында ұсыныс пікірлер ескеріліп, қойылған сұрақтарға жан жақты жауаптар алынды.
