Қазығұрт ауданына қарасты Шарбұлақ және С.Рақымов ауыл округтерінде кәмелетке толмағандардың қатысуымен жасалынатын қылмыс пен құқық бұзушылықты және оқыс оқиғалардың алдын алу бойынша ата-аналар, ұстаздар және тиісті мамандардың қатысуымен кездесу өтті. Жиынға Түркістан облыстық дін істері басқармасының «Дін мәселелерін зерттеу орталығы» КММ бөлім басшысы – Тағай Айбек Жолдасбекұлы, облыстық білім саласының ардагері – Байғұтов Нышан Тасболатұлы, Қазығұрт ауданы әкімінің орынбасары – Тұрсынқұлов Серік Алтынбекұлы, Қазығұрт аудандық прокуратурасының прокуроры – Юсупов Закир Тагирович, Қазығұрт ауданының төтенше жағдайлар бөлімінің азаматтық қорғау подполковнигі – Қыстаубаев Пернебай Сем, аудандық ардагерлер кеңесі төрағасының орынбасары – Намешов Мейірбек, Қазығұрт ауданы адами әлеуетті дамыту бөлімі басшысының міндетін атқарушы – Егізекова Алия Алекбарқызы және басқа тұлғалар қатысты. Кездесу жиынды С.Тұрсынқұлов жүрзізіп отырды. Жоғарыда аталған тұлғалар күн тәртібіндегі мәселе бойынша баяндамалар жасады.
Жиын барысында көптеген өзекті мәселелер көтеріліп, жан-жақты талқыға түсті. Кездесуге қатысушылар тарапынан сұрақтар мен ұсыныс-пікірлер айтылды.
Қазығұрт ауданы әкімдігінің баспасөз қызметі
