Сарбаздар жауынгерлік тумен қоштасты. Сарбаздар сап түзеді. Механикаландырылған бригаданың саптық алаңында жауынгерлік тумен қоштасу үшін 130-дан астам сарбаз жиналды. Бұл күні саптық алаңда жас әскерилер ғана емес, кәсіби дағдыларға ие болған сарбаздар сапта тұрды. Оларға сәт сапар тілеп, бригаданың әскери қызметшілері мен Қарулы Күштердің ардагерлері бас қосты. Ең үздік әскери қызметкерлерге алғыс хаттар мен грамоталар табысталды.
Отан қорғау барышын өтеушілерге бөлім командирі бригада тарихындағы елеулі сәттерден естелік айтты. Отанға қызмет етудің үлгісі болып табылатын жүздеген сарбаздар, сержант, офицерлер мен генералдардың тағдырлары туралы тағылымды ойын ортаға салды.
Салтанатты рәсім, оның қатаңдығы мен ұстамдылығына қарамастан, қатысушылардың ешқайсысын бей-жай қалдырмады. Осы бригаданың қатардағы жауынгерлері мен ефрейторлары үшін өмірдегі маңызды кезең өтті. Мерзімді қызмет аяқталды.
Жауынгерлік дайындықта және қызметтік міндетті мінсіз орындағандарға жауынгерлік ту жанында суретке түсу құқығы берілді. Салтанатты қоштасу рәсімі бөлімнің жеке құрамының салтанатты шерумен өтуімен аяқталды.
