Ерікті (волонтер) — латын сөзі. Өз еркімен, өзінің есебінен қоғамдық жұмыстарға белсене араласушы деген мағынаны білдіреді. Еріктілер жалғыз өзі және топ боп жұмыс істейді. Ол өз еріктерінде. Олардың негізгі айналысатын жұмыстары жетімдерге, мүгедектерге немесе қарттар үйіне барып оларға қолдарынан келгенше көмек көрсету. Ал олардың белгілі бір мереке кезінде қоғамға мемлекет мүддесі үшін өз еріктерімен көмекке келуі де «ерікті» әрекеті саналады. Осы орайда Түркістан қаласының тұрғындарының еріктілерге деген көз-қарасы қандай екен…сауалнама жүргізіп көрейік.
БЛИЦ: Облыс тұрғындарының пікірі? Волонтерлар деген кім?
Нұрдос: Ерікті дегеніміз –қоғам жанашыры. Мен де үлесімді қосқым келеді.
Айым: Қазіргі таңда еріктілердің қатары артып келеді. Әсіресе жастар белсенділік танытуда. Ол дегеніміз өте жақсы іс. Мейірімді қайырымды жанның жолы қашан да ашық болады.
Олжас: Біреуге жақсылық жасасаң өзіңе қайтып келеді. Өзім сияқты жастарды қайырымдылық жасауға шақырамын.
Түркістан қалалық жастар ресурстық орталығында бірнеше бөлімдер жұмыс істейді. Соның бірі еріктілер бөлімі. Мұнда қазір 3 мыңға жуық волонтер бар. Олар өз еріктерімен еріктілер тобына кіргендер. Мұнда кез-келген ерікті жастарға есігі әрдайым ашық. Қолға алған жобалары және басқа мәселелер бойынша ақыл-кеңестер ала алады. Биыл өңірде белсенді жастардың қатысуымен түрлі жобалар, қайырымдылық іс-шаралары өтуде.
Бүгінде әлемдік пандемияға арналған коронавирус індеті кезінде де еріктілердің иглігін көрдік. Ешқандай науқансыз-ақ көптеген жастар өз көмегін ұсынып, халыққа көмектесуде.
Істеп жатқан жұмысы үшін, ешнәрсе алмайды. Күні – түні демеушілер іздестіріп, мұқтаж отбасыларға азық-түлік таратып қайрымдылық жасау олардың міндеті. Қиын-қыстау кезеңде де қаржы ұйымдарында да еркітілер ерілік көрсетті. Көшелерде орналасқан банкоматтарға барып, тұрғындарды талапқа сай кезекке тұрғызып, құрылғыдан ақшаларын алуға көмектесті.
Ерікті — белгілі бір мекеменің жоқ әлде жек тұлғаның ықпалымен емес, өз еркіңмен қоғамның әлсіз тұстарына қолыңнан келгенше көмек қолын созу болып табылады. Волонтёр жұмысы жастарды игі істермен бірге мейірімділік пен патриоттыққа баулиды. Кез-келген адам ерікті бола алады. Кішігірім болсын, ең маңыздысы шын ниетпен жасалған іс еріктілікке жатады. Бірақ жақсы іс жасаудың өзі де оңай емес.
Жаны жабырқаған адамның жанынан керек кезде табылып, қол ұшын созу жүрегі жылы жандардың қолынан ғана келетін игі іс.
Еріктілер қоғамдағы әлеуметтік жағдайларға бей-жай қарай алмай оған өзіндік үн қосуға дайын тұрады. Белсенді жастар қор ашып, әлеуметтік желіден түскен қаражатқа керекті заттарын алуда.
Өзгеге жақсылық жасау адам бойындағы тән нәрсе. Оның үстіне халқымыз қайрымдылық жасасаң қайырын көресін деген сөзді текке айтпаса керек. Бұндай қасиет әрібіріміздің бойынан табылу керек – дейді еріктілер.
Бүгінде әлем халқының 970 миллионы волонтер. Ал біздің елде әрбір сегізінші қазақстандық еріктілер қатарын толықтыруда. Еріктілердің жасап жатқан игі істері қаншама. Кез-келген уақытта елдің сүйеніші. Олардың қоғамға тигізер пайдасы орасан. Ендеше сізде ерікті болыңыз.
