Боралдай ауылындағы және аудан орталығындағы мәдениет үйлерінде «Жасөспірім және заң!» тақырыбында аудандық ата-аналармен кездесу жиыны өтті. Кездесу жиындарына Түркістан облысының адами әлеуетті дамыту басқармасының тәрбие және қосымша білім беруді дамыту бөлімінің басшысы Жандос Маханбетов, ауыл әкімдері, аудандық полиция бөлімі мен аудандық орталық аурухана қызметкерлері, қоғамдық ұйымдар өкілдері, мектеп директорлары, директордың тәрбие ісі жөніндегі орынбасарлары, педагог-психологтар, әлеуметтік педагогтар, сынып жетекшілер және ата-аналар комитетінің төрағалары мен «Әкелер мектебі» кеңесінің төрағалары қатысты.
Кәмелетке толмағандардың қатысуымен жасалынатын қылмыс пен құқық бұзушылықтың және оқыс оқиғалардың алдын алу туралы Түркістан облысының адами әлеуетті дамыту басқармасының тәрбие және қосымша білім беруді дамыту бөлімінің басшысы Жандос Маханбетов хабарлама жасады.
Жиында аудандық ардагерлер кеңесі төрағасының орынбасары, ардагер ұстаз Тұрсынәлі Дүйсенбеков, аудандық «Әкелер мектебі» кеңесінің төрағасы Өркен Тұрлыбеков, Боралдай ауылдық ардагерлер кеңесінің төрағасы Сегізхан Орынбасаров, «AMANAT» партиясы аудандық филиалының төрағасы Ақбала Құлымбет, аудандық қоғамдық кеңестің мүшесі Әбдірахым Атағұлұлы жарыс сөзге шығып, күн тәртібіндегі мәселе бойынша пікірлерін білдіріп, бірқатар ұсыныстар айтты.
Бүгінгі жиынға аудан әкімінің орынбасары Берік Тұрлыбеков төрағалық етіп, жүргізіп отырды.
