Волонтерліктің пайда болуы мен даму тарихына тоқталар болсақ. Волонтер түсінігі əлеуметтік қызмет идеясы ретінде өте ескі түсінік, «социум» түсінігі секілді. Адам тарихында ерікті көмекке ешқашан қоғам қарсы болмаған. Волонтерлік көмек адамдардың түйткілді мәселелерді бірлесіп шешуге деген ниетінен туындаған. Ертеректе ауыл жұрты науқандық кезеңде бірге өнім жинаған, үй соққан, жол жөндеген. Бүгінгі таңда игі іс жастардың белсенділігімен жалғасып келеді. Ерікті түрде көмек-қолдау көрсетіп, жұрттың ықыласына ие болып жүрген волонтерлер қоғамның ажырамас бір бөлшегіне айналып келеді. Волонтерлік жұмыстың өзі кең сипат ала бастады. Оның мәні – айналамызда шын мәнінде ізгілік пен мейірімділікке мұқтаж жандардың көп екендігінде. Жалпы бұл қоғамдық жұмыстың жастар тәрбиесіне ықпалы зор. Өзгеге қол ұшын созу – адам бойындағы парасаттылық пен патриоттылық сияқты адамдық қасиеттерді сіңіре түседі. Сонымен қатар, осы мақсат жастарды ел дамуында бір мүдде, бір мақсат төңірегінде біріктіретінін де айтқан жөн. Көп түкірсе көл. Жастар қайырымдылықтың көлемі маңызды емес. Бастысы ниет, дейді. Қайрымдылыққа әркім өз қалауынша көмек көрсете алады. Бірі азық- түлік әкелсе енді бірі киім кешек те берсе болады. Қажет болса ауылдарды қайта қалпына келтіру жұмысына да барамыз, деп отыр, ерікті жастар. Ел басына күн туғанда бірлік таныту қанға сіңген қасиет, дейді жастар. Еліміздің жастары ұлт болашағына алаңдаулы. Мемлекеттің келешегі жастардың қолында. Әрі қазіргі заманда жүрегі таза, үлкенге қамқор, кішіге ізетті жастар көптеп өсіп келеді. Қай кезеңде болсын, қай уақытта да жастардың болашаққа, келешекке ұмтылысына бүгіннен жағдай жасауымыз қажет. Жастардың әрбір уақыты тиімді, қоғамға пайдалы болуы қажет. Мемлекет басшысы Қасым-Жомарт Тоқаев та жастарды қолдап, қолдау мақсатында бағыт-бағдар беріп, жөн сілтеу үшін арнайы партия да, бағдарламалар да жасақтады. Тек жастар осындай қажетті партияларға өздері де ізденіп, келулері тиіс деп есептейміз. Себебі, жастар өздері белсенділік танытып, саяси, қоғамдық жұмыстарға белсенді түрде араласып, еңбектену арқылы табысқа жетуге болатындығына көздері жетер еді деп ойлаймыз.
