Ордабасы ауданын орталығы Темірланда 1 қазан – Қарттар күніне арналған салтанатты мерекелік жиын өтті.
Мерекелік шараға аудан әкімі Азат Оралбаев, аудан прокуроры Абзал Қыдырбай, аудандық мәслихат төрағасы Бақдәулет Жұмабеков, облыстық мәслихат депутаты Ғани Райымбеков қатысып, ардагерлерді мерекесімен құттықтады.
— Құрметті қазыналы қариялар! Ардақты ардагерлер! Баршаңызды «1 қазан – Халықаралық қарттар күні» мерекесімен шын жүректен құттықтаймын! Біз әрқашан қариясын қадірлеп, ардагерін ардақтаған текті елдің ұрпағымыз. Әркез алдыңғы буын аға-апаларымыздың ел дамуы жолындағы ерен ерлігі мен қажырлы еңбегін үлгі тұтамыз. Өйткені, ғұмыры ғибратқа толы ардақты ардагерлердің жүріп өткен жолы – өнеге мен тағылым мектебі,- деді аудан басшысы.
Салтанатты жиын ауданымыздың әлеуметтік-экономикалық дамуына үлес қосқан бірқатар ардагерлерді марапаттаумен жалғасты. Аудан әкімі Азат Әбдіғалиұлы мерекеге орай бірқатар азаматтарға, қарттар арасында өткен спорттық сайыс жеңімпаздарына арнайы Алғыс хат, дипломдар мен бағалы сыйлықтар табыс етті.
Мерекелік шарада ән айтылып, күй күмбірлеп аудандық өнерпаздар қазыналы қарттарға көтеріңкі көңіл-күй сыйлады.
Түркістан облысының Өңірлік коммуникациялар қызметі
