Ахмет Байтұрсынұлы атындағы жалпы білім беретін мектеп базасында Сауран ауданының әкімдігі, Сауран аудандық полиция бөлімі және Сауран ауданының білім бөлімімен бірлескен «Тәрбиелі жастар-қауіпсіз қоғам» атты жастар форумы өтті.
Форумға аудан әкімінің орынбасары Садибаев Серік Өмірханұлы, аудандық Полиция бөлімінің бастығы, полиция полковнигі Абидинов Алмат Құрлысбекұлы, Сауран аудаының прокуроры Тәжі Асхат Артықбайұлы, аудандық ақсақалдар алқасының төрағасы Ахметов Сейлхан, білім саласының қызметкерлері және жоғарысы сынып оқушылары қатысты.
Сонымен қатар, Сауран ауданының білім бөлімінің басшысы Ақмарал Үсенқызы баяндама жасады. Елімізді қауіпсіз қоғам ету төңірегінде өз пікірлерін жеткізген форум қонақтары оқушыларды білімге құштар, тәртіпті, руханият орталығының мәртебесіне лайықты, өнегелі жастар болуға шақырды.
Аталған шара соңында «Тәрбиелі жастар-қауіпсіз қоғам» атты бейне роликтер көрсетті.
