Қазақстан Республикасы Оқу-ағарту министрлігінің “Төрт тоқсан – төрт өнер” ұлттық мәдени-ағартушылық жобасын іске асыру мақсатында Мақтаарал ауданындағы Сабыр Рахымов атындағы жалпы орта мектебі базасында 20 қыркүйек күні айтыс өнерінде өзіндік қолтаңбасы бар айтыскер ақын, сазгер Мақтаарал ауданының құрметті азаматы Мұхтар Құраловпен «Айтыс-қоғамдық ойды қозғаушы күш» тақырыбында кездесу ұйымдастырылды.
Мақсат — ұлттық рух пен патриотизмді, өз халқына және оның дәстүрлеріне құрметпен қарау, эмоционалды интеллекті қалыптастыру, қазақ халқының ұлттық құндылығы, шешендік өнердің баға жетпес мұрасы ретінде айтысты дәріптеу арқылы дарынды шығармашыл жастарды анықтау.
Кездесу барысында қазақ халқы үшін бүгінгі күні ұлттық құндылыққа айналып үлгерген төл өнері — айтыс екенін, оның шығу, даму тарихы, айтыстың өзіне тән ерекшеліктері мен маңызы туралы айтылды.
Сонымен бірге, кездесу соңында оқушылардың сұрауы бойынша ақын өзінің жыр жолдауын арнады және сұрақтарына жауап беріп, кездесу өте қызықты өтті. Алдағы уақытта ұлттық құндылығымыздың айтыс өнерін дамыту мақсатында аудандағы барлық білім беру мекемелерінде жалғасын табады.
