«Балаларды қорғау күні» мерекесіне орай, Сайрам ауданы азаматтарының арасында құрылған «Көкпар Сайрам» тобы тағы да бір қайырымды іс-шара ұйымдастырды.
Ерекше балаларға үйде әлеуметтік қызмет көрсету коммуналдық мемлекеттік мекемесінде тіркеуде тұрған 100-ге жуық балаларды хайуанаттар бағына алып келіп, қолдарына тәттілер мен сусын және балмұздақ ұсынып, көңілдеріне қуаныш сыйлады.
Жақсы істің жаршысы болуға үлес қосып отырған Сайрам ауданы «Көкпар» федерациясына төрағалық етіп жүрген Мадияр Оразалиев бастаған «Көкпар Сайрам» тобы азаматтарына балалардың алғысы шексіз болды.
Айта кетейік, Шымкент зообағы 1979-1981 жылдары қазақтың біртуар ұлы Социалистік Еңбек ері, облыстық партия комитетінің бірінші хатшысы, Асанбай Асқарұлы Асқаровтың жеке бастамасымен, әрі тікелей басшылығымен ескі карьердің орнындахалықтық құрылыс тәсілімен тұрғызылған.Бұл құрылыс жұмыстарына54 мекемелер мен кәсіпорындар қатысқан.
Бұл Қазақстан облыс орталығының мәдениет өміріндегі ең ірі басты оқиға,біздің қаламыз Шымкентте болды.
Қаланың елсіз жатқан шеті, бұрынғы тақауыл, көпшілік коллективтің жігерлі еңбегінің арқасында, аз уақыт ішінде тамаша алқап- қалашыққа яғни жануарлар мекеніне айналды.
Зообақ 1980 жылы 19- сәуір күні ашылды. Алғашқы кезде коллекцияда 75 аңның түрі, 350 данасы болды.Зообақ ашылғаннан бастап жануарлар коллекциясы көбейе түсті.
Қазіргі таңда зообақ коллекциясында 194 түр жан-жануарлардың 2002 басы бар.
Сайрам ауданы әкімінің баспасөз қызметі
