15-мамырда бүкіл әлем жұртшылығы 1993 жылы БҰҰ Бас Ассамблеясының қаулысымен бекітілген Халықаралық отбасы күнін атап өтеді. Бұл күнді белгілеу әлемдік қауымдастықтың отбасының қазіргі жағдайы мен оның қоғам өміріндегі және өскелең ұрпақ тәрбиесіндегі маңызына алаңдаушылық туғызуына орай жүзеге асып отыр. Адам өмірі отбасынан басталады, азамат болып қалыптасуы да осында өрбиді. Отбасы – сүйіспеншіліктің, құрмет пен ынтымақтастықтың ошағы, яғни, кез-келген зиялы қоғамның діңгегі. Отбасының аман-саулығы – әрбір елдің дамуы мен келешегінің өлшемі.
Құрметті отандастар!
Баршаңызды бүгінгі Отбасы күнімен құттықтай отырып, отбасының жемісі болған тәрбиелі ұл мен қызымыз, мақтан етер ұрпағымыз көбейсін дегім келеді! Ұрпағына мақтаныш болар қазыналы қарттарымыз көп болғай! Қазақтың әр отбасының керегесі кең, шаңырағы берік, еліміз аман, жұртымыз тыныш болсын!
Ізгі ниетпен,
Серік Үсенұлы Мамытов
Жетісай ауданының әкімі
