Әжелер мектебіне -10 жыл толуына орай, аудандық мәдениет үйінде Түлкібас ауданының білім бөлімінің ұйымдастыруымен облыстық «Әже-ұлт ұйытқысы» тақырыбында іс-шарасы өтті.
Түлкібас ауданы, Ардагерлер кеңесінің жанынан құрылған
Білім алушылардың отбасылық және әлеуметтік құндылықтары мен құзыреттерін қалыптастыруда отбасы, мектеп, әлеуметтік серіктестердің өзара ынтымақтастығын орнатуға бағытталған «Әже – ұлт ұйытқысы» тақырыбындағы облыстық іс-шараға Облыстық, аудандық ардегерлер кеңесі, «Өрлеу» біліктілікті арттыру орталығы директорының орынбасары Ақтаев Мұхтар , білім бөлімінің басшысы Ержан Кадырбек, аудан әкімі Н.Ізтілеуов, аудандық мәслихат хатшысы Байысбаев Х., әжелер алқасы, ата-аналар кеңесі, әкелер мектебі мүшелері қатысты.
Өткізілген іс-шара барысында келген қонақтарды қазақ ұлттық оркестрі қарсы алып, фойеде Әжелердің «Шебер қолдар» қолөнер көрмесі, Әжелер жайған ақ дастархан, ұмытылып бара жатқан ұлттық тағамдарды ұсынды.
Майталман ардегерлерлердің орындауындағы «Туған ел» хоры, жастардың ұлтшылдыққа, мемлекетшілдікке деген құрметін арттыруы, Дәстүрлі ән класының мұғалімі Тоқбураев Асқардың жетекшілігімен, шәкірті Құрасбек Еркебұланның орындауындағы «Сүгірдің термесі» және 5- сынып оқушысы Мулкібай Жанерке мен Қаржаубай Али «Қыз бен жігіт» айтысы көрермендердің ризашылығына бөленді. Ш.Мұртазаның «Ай мен Айша» романынан қойылған «Жанкент» ЖОМ оқушыларының көрінісі, И.Рыбалко атындағы жалпы орта мектебінің «Балауса» би ұжымының мың бұралған бишілері, іс-шараның мазмұнын аша түсті.
Кемербастау а/о әжелері мен «Қазан шегелеу» көрінісі ұмытылып бара жатқан салт-дәстүрлерді көрініс арқылы насихаттауы, жас ұрпаққа өнегелі ұлттық тәрбие берді.
Әжелер мектебі ұлтымыздың салт-дәстүрлерін, әдеп-ғұрыптарын, жөн-жоралғыларын жаңғыртып, өскелең ұрпаққа саналы тәрбие беру жолында түрлі іс-шаралар өткізіп келеді.
