Осы жиыннан кейін Превенция қызметінің басшысы Саян Ахметжанов Түркістан өңірінің бизнес өкілдерімен кездесті. Жиында облыс әкімінің орынбасары Арман Сәбитов кәсіпкерлердің құқығын қорғау және қолдау мен оның дамуына қолайлы жағдай жасау мәселелері қаралатынын мәлім етті. Басқосудың басты мақсаты — кәсіпкерліктің проблемалық мәселелері мен өзара іс — қимылдың жаңа форматын талқылау. Превенция қызметінің басшысы Агенттік жұмысының жаңа тәсілдеріге тоқталды. Кәсіпкерлерге құқықтық көмек көрсету мен бизнес ортадағы проблемалық мәселелердің шешілу жолдарын қарастырды. Бұл бойынша қазір ауқымды жұмыс атқарылып жатқанын тілге тиек етті.
Басқосуда мемлекеттік сатып алу, ауыл шаруашылығы саласының күрделі мәселелері тілге тиек болды. Соңғы уақытта мектепке дейінгі ұйымдар мен білім беру салалары, автомобиль жолдарының құрылысына құқық қорғау органдары тарапынан кедергі келтіру дерегі жиілеген. Кәсіпкерлердің түйткілді мәселелері талқыланып, шешілу жолдары ортаға салынды.
Кездесуде сөз алғандар жыл басынан бері Департаментпен атқарылып келген кешенді жұмыстарды баяндады. Қатысушылардың назарына өзара іс-қимылдың жаңа форматы туралы мәліметтерді ұсынды .Отырыс қорытындысы бойынша кәсіпкерлік субъектілерін қорғау жөніндегі жұмысты одан әрі жетілдіру бойынша білдірілген ұсыныстар қос тараптың назарына алынды.
