Бірнеше жылдардан бері «Шеврон» компаниясы еліміздің ауқымды «Аяла» қайырымдылық жобасымен жемісті жобаларды жүзеге асырып келеді.«Шеврон» корпорациясы әлемнің жетекші біріктірілген энергетикалық компанияларының бірі. Қазақстанда да жеке мұнай және газ өндіретін алпауыт компания. «Аяла» қайырымдылық қоры — «Шеврон» компаниясының жобасы. Бұл қор балаларға көмек көрсету үшін денсаулық сақтау және білім беру саласындағы қайырымдылық жобаларын іске асырады.
«Ayala» қайырымдылық қоры Қазақстанда 2007 жылдан бері жұмыс істейді. Осы уақыт ішінде қор Қазақстанда жұмыс істейтін ірі компаниялардан демеушілік көмек ретінде, сондай-ақ жеке тұлғалардан қайырымдылық түрінде 5 млрд теңгеден астам қаражат тарта алды. «Тыныс ал, балақай», «Мен де өмір сүргім келеді», “ Өмір сыйлайық” сияқты жобалардың арқасында ондаған мың балалардың өмірін сақтауға көмектесті.
2017-2022 жылдар аралығында “Ayala”қайырымдылық қоры демеушілерден және қазақстандықтардың қайырымдылық қоры арқылы жинаған 300 миллион теңгеге Қазақстандағы 14 балалар медициналық орталығының жансақтау бөлімін автоматты гипотермияға арналған заманауи жабдықтармен қамтыды. Соның нәтижесінде жаңа туған 235 нәресте аман қалды.
Қор келесі бағыттардағы өткір әлеуметтік мәселелерді шешуге көмектеседі:
* Қазақстанда сәбилер мен балалар өлімі мен мүгедектігін қысқарту
* Қазақстанның балалар ауруханалары, перинаталдық орталықтары мен перзентханалары дәрігерлерін оқытуға және олардың біліктілігін арттыруға көмек
* Қазақстандық балалар үйлері мен мектеп-интернаттарға, оның ішінде тәрбиеленушілердің кәсіптік бағдарлануы саласында көмек көрсету
* Көру, есту қабілеті шектеулі, ақыл-ой кемістігі бар балаларға түзету жаттығулары мен әлеуметтік бейімделуге көмектесу.
«Ayala» қорының миссиясы — Қазақстанда қайырымдылық дәстүрі мен мәдениетін тәрбиелеу. Қор қайырымдылықтың көпшілік үшін қажетті нормаға айналуына күш жұмылдыруда. 2022 жылы елімізде Ayala қайырымдылық қоры Перинаталдық және ғылыми орталықтарға берген
жабдықтың көмегімен 2,4 мыңнан астам жаңа туған нәресте құтқарылды.
“Біз бұл жобаны Алматыдағы Перинатология және балалар кардиохирургиясы орталығында және Астанадағы Ана мен бала ұлттық ғылыми орталығында пилоттық жоба ретінде бастадық. Бір жыл ішінде жаңа туған 75 нәрестеге автоматты гипотермия қолданылды. Жансақтау бөлімінің дәрігерлері гипотермия аппаратында емделген сәбилердің метаболизм жұмысы тезірек түзеліп, қанға оттегі бару қарқыны жақсарғанын атап өтті. Кейіннен бұл нәрестелер емделіп, үйіне дені сау бала ретінде шығарылды», – деп түсіндірді AYALA қайырымдылық қорының президенті Айдан Сүлейменова.
2022 жыл ішінде Ayala қоры өзінің негізгі «Өмір сыйлайық», «Басқарылатын гипотермия», «Ретинопатия» жане «Кәсіби бағдарлау» қайырымдылық жобаларына 563 миллион тенгеден астам қаражат тартты. Перинаталдық орталық көмекке 274,9 млн теңге бөлді. Бұл қаражат Қазақстанның 13 каласында 83 заманауи медициналық жабдықты сатып алуға және орнатуға мумкіндік берді. Көмек географиясы Астана, Алматы, Атырау, Павлодар, Қостанай, Тараз, Семей, Өскемен, Талдықорған, Түркістан, Теміртау, Қарағанды, Ақтау, Ақтөбе, Атбасар, Көкшетау, Урюпинка ауылдарын қамтыды. 2022 жылы қордың қамқорлық күші 700 дәрігер, 200 күнкөрісі төмен отбасылар, 13 медициналық мекеме, 6100 бала, 400 жоғары сынып оқушылары, 8 мектеп-интернат, 25 ардагер, 3 балалар үйін құрайды.
Айта кетерлігі, қор демеушілерден жиналған қаражатты түгелдей қайырымдылыққа жұмсайды, ал шығындарды құрылтайшы өздері өтейді. Қордың басты артықшылығы — ашықтық және есепшілдік принципі. Оған дәлел, Ayala.kz сайтында 2007 жылдан бергі қаржылық және KPMG тексерген барлық аудиторлық есептер бар.
Елімізде осындай қайырымдылық қор жұмыс істеп жатқандығы қуантады. Қордың бағалауы бойынша, берілген жабдықтар алдағы уақытта да мыңдаған нәрестенің өмірі мен денсаулығын сақтауға көмегін тигізеді дегенге үмітіміз зор.
Алтынай Жетписбаева
