«Табысты отбасы» әлеуметтік пилоттық жобасы аясында оқуын аяқтаған 43 азаматқа аудан әкімі Арман Абдуллаев, Түркістан облысының жұмыспен қамту және әлеуметтік бағдарламалар басқарма басшысының орынбасары Нуржан Нурашов, жобаның авторы Айжан Нұрланова, аудан әкімдігінің халықты жұмыспен қамту орталығының директоры Динара Динашова, «Самұрық- Қазына» АҚ өкілдері жоба түлектерін құттықтап, өз ісін бастауға қажетті құрал-жабдықтардың сертификаттарын салтанатты түрде табыстады.
— Бүгінде елімізде көптеген әлеуметтік жобалар іске асырылып жатыр. Бірақ «Табысты отбасы» жобасы қысқа мерзімде кәсіпкерлік негіздерін оқытып, білім мен дағдылардан басқа, бейіндік бағытты таңдауға көмектесетіндігімен, сондай-ақ кәсіп бастау үшін жабдықтарды өтеусіз беретіндігімен ерекше. Бұл — қатысушылар үшін отбасылық табысын арттыруға тамаша мүмкіндік. Жоба түлектері осындай зор мүмкіндікті игіліктеріне жұмсап, өз жетістіктерімен дәлелдейтініне күмәнім жоқ, — деді аудан әкімі.
Бұл жобаның мақсаты ақша қаражатын берместен, өз ісін ашуға мүмкіндік беріп, табысты ұлғайтуға жәрдемдесу және өз мақсаттарын іске асыруға 150 АЕК көрсеткіш көлемінде құрал жабдықтар түріндегі грант беру болып табылады. Биылғы жылы алғашқы рет өткізіліп жатқан пилоттық жоба аясында мемлекеттік атаулы әлеуметтік көмек алмайтын, нысаналы топқа жататын аз қамтылған отбасылар, 29 жасқа дейінгі көп балалы ата-ана, жалғыз басты аналар/әкелер, мүмкіндігі шектеулі баланы тәрбиелеушілер және мүгедектігі бар аудан тұрғындары қатысқан болатын.
«Табысты отбасы» қайырымдылық әлеуметтік жобасының авторы Айжани Нұрланова қатысушылардың өз ісін сенімді бастай отырып, тұрақты табыс көздерін тауып, отбасының әл-ауқатын арттыра алатынына сенім білдіруде.
Сарыағаш ауданы әкімдігінің баспасөз қызметі
