Түркістан облысы Шардара ауданы адами әлеуетті дамыту бөліміне қарасты N 12 жалпы орта мектебінде 1-Наурыз » Алғыс айту» күніне орай, ұстаздың адам өмірінде алатын орны зор екендігін, ұстаздарды құрметтеу, сыйлау және қадірлеу қасиеттерін оқушылардың бойына дарыту,ұстаз мамандығының қыры мен сырларын түсіндіру, ұстаз еңбегін әрқашан бағалай білуге тәрбиелеу, Шәкірт үшін барлық қиындыққа төзетін жаны жайсаң, жүрегі алтын, алақаны аялы ұстаздар қауымының үлгі өнегесін дәріптеу мақсатында, ДОІЖО-ры Ж. М. Сланбекова мектепте алғашқы зейнетке шыққан, қазақтың көсегесі қайтсе көгереді деп қаншама шәкірттерді ұясынан ұшырған ұлағатты ұстаз, бала жанының бағбаны болып сан түрлі тарихқа куә болған, ұл-қыздарының бақытына малынған еш уақытта мойымайтын, Ардақты ұстаз, асыл жар, аяулы ана, сүйікті әже, бала тәрбиелеуде үздіксіз қызмет еткен жан Тулепова Бақтыгул Абенқызының жүрген ізі мен дара жолын суреттейтін «Ұстаздың жолы-дара жол» атты дөңгелек үстел өтті.
Жалпы, Адам бір жылын ойласа дән себеді, жүз жылын ойласа ағаш егеді, ал ғасырлық болашағын ойласа –ұрпақ тәрбиелейді-деген халық даналығы. Бар саналы ғұмырын ұрпақ тәрбиесіне арнаған ұстаздардан ұлы адам жоқ болар. Бүгінгі кешіміздің алтын арқауы, жібек желісі де ұстаз еңбегі, ғибратты ғұмыры. Бақтыгул Абенқызымен бірнеше жыл бірге қызметтес болған, бірге сырлас болған, осы оқу орнының қалыптасуына, жетістіктеріне өзіндік үлестерін қосқан, саналы ғұмырын бала тәрбиесіне арнаған әріптестері Қарабаева Набат апай, Ескендірова Зағипа апай, мектептің ата-аналар кеңесінің төрайымы Абдиева Қырмызай апай келіп естен кетпес қызықты естеліктерімен бөлісті.
