Түркістан облысы Шардара аудандық білім бөліміне қарасты «Қазақстан» жалпы орта мектебінде «Баланың бас ұстазы – ата-анасы атты білім бөлімінің ұйымдастыруымен ата-аналар арасында психологиялық тренинг өткізілді.
Мақсаты: Тренинг ата-аналар мен сынып жетекшілер арасында құқықбұзушылықтың алдын алу мақсатында ұйымдастырылды.
Білім бөлім әдіскері Маметова Динара бала барлық үлгі-өнегені өзі шықққан отбасы мен ата-анасынан алады.Оның азаматтық келбеті, мінез-құлқы жанұядағы жандардың күшті ықпалымен қалыптасады.Аяғын апыл-тапыл басқан сәби алғашқы қылықтарын ата-анасынан, аға-апаларынан көрген, үйренген үлгі бойынша жасайды.Не көрсе соны үйренуге, не естісе , соны айтуға тырысады деп ата-аналармен тренинг жүргізді.
Білім бөлімінің тәрбие әдіскері Н.Әбілдаев
бүгінгі таңда қоғамның алдында тұрған басты міндеттердің бірі — балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу.
«Ел болам десең, бесігіңді түзе» деп айтқандай, әрбір ата-ана өз баласының тәртібі мен тәрбиесіне аса мән беріп, бос уақытта немен айналысатынына қатаң бақылау жасалып отырса, жасөспірімдер арасында болатын құқықбұзушылық пен қылмыстың болмауына көп септігін тигізер бірден бір себеп болатындығын өз баяндамасында айтып өтті.
Тренинг соңында ата-аналар тарапынан әр түрлі сауалдар қойылып, жаднамалар таратылды.
