М. Егізбаев атында конкурс өтетін болады. Жүрегі елмен егіз Егізбаев! Түркістан облысының денсаулық сақтау басқармасы алып тұлғаны еске алу шараларын ұйымдастырып жатыр. Биыл марқұм Мұқан Егізбаевтың туғанына 60 жыл толды. Академик жайлы жылы естеліктерін алып, Республикадан, алыс-жақын шет елдерден әріптестері келді.
2022 жылғы 23 қазанда клиникалық және функционалдық медицина академиясының академигі, медицина ғылымдарының докторы Мұқан Кеңесбекұлы Егізбаевтың туған күні. бірегей басшы болды. Мақсаты ерен, талантты ұйымдастырушы, талантты тәлімгер, кәсіпқой маман нағыз көшбасшы – бұл дағды бір адамда өте сирек кездеседі. Іс жүзінде М.Егізбаевтың бойынан осының барлығы ерекшеленіп көрінді. Ол кадрлардың біліктілігін арттыруға, дәрігерлердің жаңа ұрпағын өсіруге көп көңіл бөлді. Әрқашан озық емдеу әдістерін енгізуге ұмтылды. Облыстың ұлы патриоты, денсаулық сақтау саласының локомотиві, биліктің барлық деңгейінде өңірдің мүддесін қызу қорғады. Оны кезінде бірге қызмет жасаған әріптестері сағынышпен еске алады. Жиын барысында академиктің әкесі сөз алды. Ұлының құрметіне байқау ұйымдастырылғанын, арнайы сыйлық беріліп жатқанына бек қуанышты екенін жеткізді. Оның еңбегі еленіп жатқанына риза болды. Түркістан облысында қоғамда медицина қызметкерлерінің оң имиджін қалыптастыруға, медицина саласының беделін көтеруге ықпал ететін өңірдегі үздік дәрігерлерді анықтау байқауы ұйымдастырылған. Марапат – соңғы кезге дейін елестету де мүмкін болмаған емдеудің жаңа әдістерін, серпінді технологияларды, бірегей оталар мен ғылыми жаңалықтарды енгізуге жекелеген мамандардың сіңірген еңбегін мойындаудың белгісі. Академик Егізбаев атындағы байқау қорытындыланып, жүлдегерлер қаржылай сыйлықтармен марапатталды.
Мұқан Егізбаевтың елге сіңірген еңбегі мол. Өзі жазған 40-тан аса ғылыми еңбегі көпке азық. Алтын қолды дәрігердің құрметіне 2020 жылы облыстық клиникалық ауруханасында мемориалды тақта орнатылды. Дәл сол жылы еске алу кешіне жиналған көпшілік академикке «Қазақстанның еңбек ері» атағын беруді ұсынған болатын.
