«Қайырымдылық керуені» байқауына өтінім қабылдау жалғасуда. Игі іс жасап жарысатын азаматтар арасында өтетін конкурс республикалық көлемде биыл 5 рет өткелі отыр. Аталмыш шара қайырымдылық пен қамқорлыққа жаны жақын тұлғалар арасында жыл сайын өткізіледі. Негізгі мақсат әлеуметтік көмекке зәру жандарға қол ұшын созу, жомарт, мейірімді жандардың ісін қалың бұқараға насихаттау. Қайырымдылық –қайырлы іс. Бір қуанарлығы бұл іс шараға қатысушылардың қатары жыл санап артып келеді. Жақсылық жасау, көмек қолыгн созу- қай кезеңде де адамға қажетті асыл қасиеттер. Сайысқа қатысушылар 7 номинация бойынша бақ сынасады. Олар: Асар, Туған жер, Батыл жүрек, Мейірім жолында, Қайырымдылық тарихы, Бала жүрегі және Жануарға мейірім. Аталған номинациялар қоғамдағы түйткілді мәселелерді шешуге ат салысқан азаматтарға беріледі. Қамқор жандар арасында өтетін байқауға өтінім қабылдау 30 желтоқсанға дейін жалғасады. Байқауға қатысу туралы толық ақпаратты www.fnn.kz, www.businesswomen.kz сайттарынан табуға болады. Айта кету керек өткен жылы осы номинацияларға Шымкенттен 40 үміткер қатысып, оның 3-і жеңіске жеткен.
